Vdesin 41 emigrantë pas përmbytjes së një anije në Itali

11:11 | 9 Gusht 2023
Orgesa Haziri

41 emigrantë kanë vdekur pasi një anije u përmbyt në ishullin italian, Lampedusa.

Sipas BBC, një grup prej katër personash që mbijetuan u thanë shpëtimtarëve se ishin në një varkë që ishte nisur nga Sfax në Tunizi dhe ishte fundosur rrugës për në Itali, përkthen Arbresh.info.

Katër të mbijetuarit, me origjinë nga Bregu i Fildishtë dhe Guinea, arritën në Lampedusa të mërkurën.

Më shumë se 1800 njerëz kanë humbur jetën deri më tani këtë vit në kalimin nga Afrika e Veriut në Evropë.

Autoritetet tuniziane thonë se Sfax, një qytet port rreth 130 km nga Lampedusa, është një portë e njohur për emigrantët që kërkojnë siguri dhe një jetë më të mirë në Evropë.

Ditët e fundit, anijet italiane të patrullimit dhe grupet e bamirësisë kanë shpëtuar 2000 persona të tjerë që kanë mbërritur në Lampeduza./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm